Sa Ibang Bayan
Maraming dumating
Iba iba ng layunin
Ngunit iisa ang simula
Mangarap nang gising
Dala ang gitara
Panay ang tipa
Mga letra bibigyang buhay
Sa musikang hatid nang lumang kanta
Masaya ang Pasko kung kasama kayo
Kahit alam ko na ito ay malabo
Lungkot ang bumabalot dito sa ibayo
Kumukutitap na puno
Ng ibat ibang kulay na ilaw.
Kong iyong iniisip
Ang pera ay pinapala or pinipiko
Dito sa bansang di ko saulado
Ipon ko ay sangkaterbang resibo
Habang paa ko ay nakabitin sa hukay
Ng pangarap na pilit kong binubuo
Habang kalahati nang pamilya ay yumao
Kung sila ay humiling parang ako’y
May ari nang tindahan
Pabili nito, pahingi nire
Minsan tinanong ko ang aking sarili
Ikaw ba ay banko O tao
Maalala lang tuwing sweldo
Kaligayahan nila ay naumid
Pagkat sweldo ay di dumating sa tamang oras
Sa aking kamay nabibilang
Salitang kumusta, mag ingat ka dyan.
Kumusta! Katagang bibigyan ka nang saya
Yayakapin ka nang pagkalinga
Nagbibigay nang lakas
Nagpapatatag sa hamon nang buhay
Na tila ba kahapon lamang
Sa bilis nang oras
Ang humigit kumulang
Dekada na pakikibaka
Sa ibang bansa.
- Lora Jane Arugay